Церковный календарь
Пятница 9 октября 2026 / 26 сентября 2026
Седмица 19-я по Пятидесятнице. Глас первый.
Пост. Пища с растительным маслом
Свт. Тихона, патриарха Московского и всея Руси (прославление 1989).
Сщмчч. Афанасия, Александра и Димитрия пресвитеров, мчч. Иоанна и Николая (1937).
Сщмч. Владимира пресвитера (1939).
Прп. Ефрема Перекомского, Новгородского (1492).
Прав. Гедеона, судии Израильского (XII в. до Р. Х.).
Блгв. кн. Нягу Басарабского (1521) (Румын.).
Чтения дня
Иоанна 21:15-25 (на утрене)1 Иоанна 4:12-19 (апостолу)
Иоанна 19:25-27; 21:24-25 (апостолу)
Евреям 7:26-8:2 (святителю)
Иоанна 10:9-16 (святителю)
Тропари
Апостола и евангелиста Иоанна Богослова. Тропарь, глас 2.
Апо́столе, Христу́ Бо́гу возлю́бленне,/ ускори́ изба́вити лю́ди безотве́тны:/ прие́млет тя припа́дающа./ И́же па́дша на пе́рси Прие́мый./ Его́же моли́, Богосло́ве,/ и належа́щую мглу язы́ков разгна́ти,/ прося́ нам ми́ра и ве́лия ми́лости.
Кондак, глас 2:
Вели́чия твоя́, де́вственниче, кто пове́сть?/ То́чиши бо чудеса́, и излива́еши исцеле́ния,/ и мо́лишися о душа́х на́ших,/ я́ко Богосло́в и друг Христо́в.
Свт. Тихона, патриарха Московского и всея Руси. Тропарь, глас 3.
В годи́ну тя́жкую Бо́гом и́збранный/ в соверше́нной свя́тости и любви́ Бо́га просла́вил еси́,/ во смире́нии вели́чие, в простоте́ и кро́тости си́лу Бо́жию явля́я,/ положи́л ду́шу за Це́рковь, за лю́ди своя́,/ испове́дниче патриа́рше свя́те Ти́хоне,/ моли́ Христа́ Бо́га,/ Ему́же сораспя́лся еси́,/ и ны́не спасти́ зе́млю Ру́сскую и па́ству Твою́.
Тропарь тому же святому (Прославление), глас 1.
Апо́стольских преда́ний ревни́теля/ и Христо́вы Це́ркве па́стыря до́браго,/ ду́шу свою́ за о́вцы положи́вшаго,/ жре́бием Бо́жиим и́збранного/ Всеросси́йскаго Патриа́рха Ти́хона восхва́лим/ и к нему́ с ве́рою и упова́нием возопии́м:/ предста́тельством святи́тельским ко Го́споду/ Це́рковь Ру́сскую в тишине́ соблюди́,/ расточе́нная ча́да ея́ во еди́но ста́до собери́,/ отступи́вшия от пра́выя ве́ры к покая́нию обрати́,/ страну́ на́шу от междоусо́бныя бра́ни сохрани́/ и мир Бо́жий лю́дем испроси́.
Ти́хостию нра́ва укра́шен,/ кро́тость и милосе́рдие ка́ющимся явля́яй,/ во испове́дании Правосла́вныя ве́ры и любве́ ко Го́споду/ тверд и непрекло́нен пребы́л еси́,/ святи́телю Христо́в Ти́хоне./ Моли́ся о нас, да не разлучи́мся от любве́ Бо́жия,/ я́же о Христе́ Иису́се, Го́споде на́шем.
Прп. Ефрема Перекомского, Новгородского. Тропарь, глас 4.
От ю́ности твоея́ весь Бо́гови поработи́лся еси́, блаже́нне:/ и Того́ ра́ди любве́ оте́чество и род оста́вил еси́,/ в пусты́ню всели́вся, в не́йже жесто́кое житие́ показа́в,/ и чуде́с дарова́ния от Бо́га прия́л еси́, Ефре́ме преподо́бне:/ моли́ Христа́ Бо́га,/ да спасе́т ду́ши на́ша.
Кондак, глас 8.
Áнгельскому житию́ поревнова́в, преподо́бне,/ вся земна́я оста́вив, ко Христу́ прите́кл еси́,/ и Того́ за́поведьми огра́ждься,/ яви́лся еси́ столп непоколеби́м от вра́жиих нападе́ний./ Тем зове́м ти:/ ра́дуйся, Ефре́ме, свети́ло пресве́тлое.
Календарь: holytrinityorthodox.com